Bremen Een: Nachrichten op Plattdüütsch

verfasst von Theo Stuss, 15.03.2004, 11:50

-->Wahl in Spanien: Sozialisten winnt na lillike Ansläg
Madrid: De spanschen Wählers hebbt foorts na de lilliken Ansläg in Madrid för een Wessel bi de Regeern stimmt. De Kunservative Volkspartei ünner Ministerpräsidenten Aznar mutt de Macht an de Sotschalisten afgeven. För de Volkspartei harr dat vör de Ansläg in de lesde Week noch so utsehn, as wenn se winnen dee. Man nu sünd de Siegers de Sotschalisten ünner dat Leit vun Parteibaas José Zapatero. De Wahlsiegers mööt aber liekers noch een för een Koalitschoon finnen. All in de Wahlnacht hett Zapatero künnig daan, wat dat een plietschen Kurswessel geven warrt. He will de spaanschen Truppen ut den Irak weer na Huus halen, schull dat keen UN-Updrag för se geven bit to den 30. Juni.

Ã-verall in Europa Minut to'n Swiegen för de spaanschen Doden vun de Ansläg
Berlin/Brüssel: För de Menschen, de bi de lilliken Ansläg in Madrid dootbleven sünd, för de sünd all EU-Börgers för een Andacht upropen, se schüllt hüüt middag Klock twölf dree Minuten swiegen. Daarmit schall een Tosamenhollen wiest warrn mit dat spansche Volk un ok, wat de Europäsche Union mit alle Macht tegen dat lillike Doon tegenan gahn warrt.

Putin winnt in Rußland
Moskau: Den rußschen Präsidenten Putin is mit de Mehrheet vun de Stimmen up sienen Posten weerwählt worrn. De zentrale Wahlkommischoon vermellt, Putin kümmt up goot 71 Perzent vun de Stimmen, de nu bold all uttellt sünd. De tweetbesten Tallen hett Nikolai Chartonow vun de kommunistisch Partei mit sowat 14 Perzent kreegen. De Oppositschoon hett Putin vörsmeten, he harr vör de Wahlen de Medien, de vun'n Staat kuntrulleert warrt, de harr he för sick arbeiten laten. Ok de USA sünd de Meenen, wat daar schreven un seggt worrn weer, dat weer allens vun een Siet.

Werserkurier: keen Huusholt in Bremen na de Verfaten
Bremen: Dat Land Bremen warrt, as dat lett, ok in dat tokamen Johr keen Huusholt vörleggen könen, de na de Verfaten geiht. De niegen Schullen sünd höger as all dat, wat tohoop investeert warrt. So steiht dat in den Werser-Kurier binnen un dat Blatt will dat ut den Plaan för een Huusholt vun Finanzsenater Nussbaum rutleest hebben. Bian anner Saken liggt dat an een 60 Millionen Lock in den Sotschaaletat. Dat Blatt schrifft wieder, Bremen kunn ok denn keen Huusholt na de Verfaten up'n Disch leggen, wenn de 500 Millionen kamen deen, de na den sonöömten Kanzlerbreef toseggt sünd.

Verdeffendeeres holt ehr Reden in den Perzess tegen de"Obenmord"-Daders
Bremen: In den Perzess üm dat Dootmaken vun een Koopmann un een Asylbewarver ut Nepal hollt de Verdeffendeerers hüüt ehre Anspraken. De Staatsafkaatschupp harr verleden Week för beid Anklaagten levenslang achter Trallen verlangt. De beiden 32 un 33 Johre ollen Mannslüüd weern all in den sonöömten"Obenmord-Perzess" vun Rostock to een Leven in't Kaschoot bi den een un to söben Johren achter Trallen bi den annern verurdeelt worrn.

Dat Weer
Un so steiht dat Thermometer upstunns: In Bremerhaben un up Nördernej bi acht, in Bremen un Osterholt-Scharmbeck bi negen Grod. Hüüt morrn brengt dichte Wulken deelwies 'n beten Regen of Spütterregen. Dat wat Natts vun baben kümmt, daar rekent se to 20 Perzent mit. Ã-ver Dag gaht de Wulken hen un wenn ok maal utneen, de Sünn lett sick aber blots kort sehen. De Wind weiht frisch ut Südwest bi sowat ölben bit dörteihn Grod. Tokamen Nacht staht Wulken an'n Heben, hier un daar regent dat 'n beten. Mit sowat negen Grod blifft dat smöd. Morrn kladdert dat Thermometer up veerteihn Grod un de Wind weiht mit 'n paar Böjen ut Südwest. Dör veel Wulken kickt de Sünn blots af un an. Up Middeweeken mehr Sünnschien un smöd bit up söbenteihn Grod hen.
<br />Dat weern de Nahrichten. Ulrike Müller hett se tohoopstellt. Up Platt trechtmaakt un vörleest hett se Gesine Kellermann.

<ul> ~ Audio</ul>

Thread gesperrt

 

gesamter Thread:

• Bremen Een: Nachrichten op Plattdüütsch - Theo Stuss, 15.03.2004, 11:50
  • Soll nun jemand Nachrichten im Haslitaler *) Dialekt posten? - BillyGoatGruff, 15.03.2004, 12:07
    • Frage... - fridolin, 15.03.2004, 12:34
      • Also, wir Schwiizer.. - crosswind, 15.03.2004, 12:39
      • Also den Vater meiner Appenzeller Freundin... - BillyGoatGruff, 15.03.2004, 13:03
        • Re: Op'n Realplayer tohörn, Audiolink. Dat is allerbest! (o.Text) - Theo Stuss, 15.03.2004, 14:05
    • Re: Kulturraumsprache Niederdeutsch - Theo Stuss, 15.03.2004, 13:59
  • Dat was gued, Theo... - bernor, 15.03.2004, 18:48