Also da schdellmer uns ma gans dumm...

verfasst von MausS, 29.11.2007, 13:51

-->und ieberleschn einfach ma, wi'er denne aussähn dudd, so äh"Offschwunng"?

Und da schdell'mer uns ma so no Seefenkisde vor, die nach ehm Bruch do Lenkdeigsel eene dodahl schdeile Beschdrasse nunderdonnerd.

Und da leschn so bar figgse Gerle vomm BBD* (* = Blung Brodäggschn Diehm) äh armdigges Schdämmchn übern Wesch, der de Gadasdroofe grade nochema vorhindern soll.

Nu bredderd der Wachn geschn das Schdämmchn, wird ausgehobn und fliechd in Brusdheee durch de Luffd -

un genau dasnu soll der reddnde Offschwung sein - obwohl de Kisde kurze droff jämmerlisch zerschebbern wird, wennse wiedr off'dn Wesch offgladdschd un'danne glei no dähn gansn Abhang ins Dahl rundergrachd?



Unn dä Männl in dor Kisde drinne hamm keen ehnzchn heiln Gnochn mähr, und de Kisdnresde dauchn nichemma mehr zum Feiermachn!!!

Un das soll de REDDUNG sein?

Voräbbeln gannch mich alleene...

Gans vorwundord griesd

MausS

Thread gesperrt

 

gesamter Thread:

• @Lomitas: War da nicht so eine Ankündigung von dir? - Matterhorn, 29.11.2007, 11:51
  • Re: @Lomitas: War da nicht so eine Ankündigung von dir? - LOMITAS, 29.11.2007, 12:09
    • Also da schdellmer uns ma gans dumm... - MausS, 29.11.2007, 13:51
      • 's BehEs fehl do no! Hab de falsche Dassde erwischd! - MausS, 29.11.2007, 13:58
      • Re: Also da schdellmer uns ma gans dumm... - Jacques, 29.11.2007, 14:39
      • Re: Eefach nuhr gessdlisch:-))) (o.Text) - YooBee, 29.11.2007, 17:00
      • eh gonskleewenig mustich ober o lachn.... - Der Husky, 29.11.2007, 22:04